Kushtet dhe rregullat e përdorimit

AnkesaPRO është platformë digjitale që u mundëson përdoruesve të analizojnë dokumente, të përgatisin ankesa ose kërkesa dhe, sipas nevojës, të marrin mbështetje ligjore ose administrative.

Platforma synon ta lehtësojë përgatitjen e dokumenteve, por nuk i zëvendëson procedurat dhe vendimmarrjen e institucioneve kompetente.

Gjatë përdorimit të platformës, përdoruesi obligohet:

• Të japë informacione të sakta, të plota dhe të vërteta
• Të ngarkojë vetëm dokumente autentike dhe të ligjshme
• Të mos paraqesë ankesa, kërkesa ose raportime të rreme
• Të mos përdorë përmbajtje fyese, diskriminuese, kërcënuese ose të paligjshme
• Të mos i cenojë të drejtat e personave të tjerë
• Të mos e keqpërdorë ose dëmtojë funksionimin e platformës

AnkesaPRO mund të refuzojë, largojë ose bllokojë çdo përmbajtje që bie ndesh me ligjin ose me këto kushte.

Përdoruesi është përgjegjës për informacionet dhe dokumentet që paraqet në platformë.

Informacionet e rreme, mashtruese ose dokumentet e falsifikuara mund të sjellin pasoja sipas legjislacionit në fuqi.

AnkesaPRO nuk mban përgjegjësi për pasojat që rrjedhin nga informacionet ose dokumentet e pasakta të paraqitura nga përdoruesi.

AnkesaPRO përdor teknologji OCR dhe inteligjencë artificiale (AI) për:

• Leximin dhe analizimin e dokumenteve
• Nxjerrjen automatike të të dhënave
• Identifikimin dhe kategorizimin e rasteve
• Gjenerimin e draft-ankesave ose kërkesave
• Asistimin në përgatitjen e dokumentacionit

Përdoruesi është përgjegjës për kontrollimin dhe korrigjimin e të dhënave përpara vazhdimit të procesit.

Rezultatet e krijuara nga sistemi kanë karakter ndihmës dhe nuk përbëjnë këshillë juridike profesionale, vendim administrativ ose garanci për pranimin e rastit.

Për raste komplekse ose shërbime të caktuara, AnkesaPRO mund ta referojë përdoruesin te një ekspert ligjor ose partner i autorizuar.

Platforma gjeneron ankesa ose kërkesa bazuar në informacionet dhe dokumentet e paraqitura nga përdoruesi.

Vendimi për pranimin, refuzimin ose zgjidhjen e rastit merret vetëm nga institucioni ose organi kompetent.

AnkesaPRO nuk ndërhyn në vendimmarrjen e institucioneve publike ose private dhe nuk garanton rezultat pozitiv.

Përdoruesi garanton se dokumentet dhe informacionet e ngarkuara:

• Janë autentike
• Janë të sakta dhe të plota
• Janë të ligjshme
• Nuk i cenojnë të drejtat e palëve të treta

AnkesaPRO nuk mban përgjegjësi për pasojat që rrjedhin nga dokumentet e falsifikuara, të ndryshuara ose informacionet e pavërteta.

AnkesaPRO mund të ofrojë shërbime standarde dhe Premium kundrejt pagesës, duke përfshirë:

• Përgatitjen e ankesave ose kërkesave
• Analizën nga ekspertë ligjorë
• Përpilimin e avancuar të dokumenteve
• Konsultimin profesional
• Mbështetjen administrative ose juridike
• Dorëzimin e dokumenteve pranë institucionit përkatës, kur ky shërbim ofrohet

Çmimi dhe përmbajtja e shërbimit shfaqen në platformë përpara realizimit të pagesës.

AnkesaPRO mund t'i ndryshojë çmimet e shërbimeve. Ndryshimet e çmimeve nuk ndikojnë në shërbimet që janë paguar më herët.

Të gjitha pagesat kryhen online brenda platformës AnkesaPRO, përmes sistemit të sigurt të pagesave të integruar me ProCredit Bank (PCB).

Përdoruesi duhet t'i kontrollojë shërbimin, çmimin dhe të dhënat përkatëse përpara konfirmimit të pagesës. Shërbimi aktivizohet ose fillon të përpunohet vetëm pasi pagesa të konfirmohet me sukses. Nëse pagesa dështon, refuzohet ose anulohet, shërbimi nuk konsiderohet i paguar dhe përdoruesi mund ta provojë pagesën përsëri.

Të dhënat e kartelës përpunohen përmes sistemit të pagesave të ProCredit Bank (PCB). AnkesaPRO nuk ruan numrin e plotë të kartelës, kodin CVV/CVC ose kodin. AnkesaPRO mund të ruajë vetëm informacionet e nevojshme për konfirmimin e pagesës, identifikimin e transaksionit, faturimin dhe trajtimin e rimbursimeve.

Rimbursimi mund të aprovohet kur:

• Pagesa është kryer dy herë për të njëjtin shërbim
• Ka ndodhur një gabim teknik gjatë pagesës
• Shërbimi nuk ka mundur të ofrohet nga AnkesaPRO
• Ekziston një arsye tjetër e parashikuar në Politikën e Rimbursimit

Nëse përgatitja e dokumentit ose përpunimi i shërbimit ka filluar, rimbursimi mund të mos aplikohet.

Çdo kërkesë për rimbursim shqyrtohet në përputhje me Politikën e Rimbursimit. Rimbursimi i aprovuar realizohet përmes mënyrës së përdorur për pagesën fillestare, sipas procedurave dhe afateve bankare.

Të dhënat personale përpunohen në përputhje me:

• Ligjin Nr. 06/L-082 për Mbrojtjen e të Dhënave Personale
• Rregulloren (BE) 2016/679 – GDPR, kur është e zbatueshme
• Politikën e Privatësisë së AnkesaPRO

Platforma përdor masa teknike dhe organizative për mbrojtjen e të dhënave nga qasja e paautorizuar, humbja, ndryshimi ose keqpërdorimi. Për më shumë informacion, përdoruesi duhet t'i referohet Politikës së Privatësisë së AnkesaPRO.

Informacionet dhe dokumentet e paraqitura në platformë trajtohen në mënyrë konfidenciale. Ato u bëhen të qasshme vetëm personave të autorizuar për trajtimin e rastit, përpunimin e pagesës ose ofrimin e shërbimit, përveç rasteve kur ndarja kërkohet me ligj.

AnkesaPRO nuk mban përgjegjësi për:

• Informacionet e pasakta të dhëna nga përdoruesi
• Dokumentet e pasakta, të paplota ose të falsifikuara
• Refuzimin e ankesës ose kërkesës nga institucioni kompetent
• Vonesat në trajtimin e rastit nga institucionet
• Ndërprerjet ose problemet e përkohshme teknike
• Dështimin e pagesës për arsye që varen nga banka, kartela ose procesuesi i pagesës
• Dëmet që shkaktohen nga faktorë jashtë kontrollit të arsyeshëm të platformës

AnkesaPRO nuk garanton se çdo ankesë ose kërkesë do të pranohet, aprovohet ose do të ketë rezultat pozitiv.

AnkesaPRO mund t'i ndryshojë ose përditësojë këto kushte për shkak të ndryshimeve ligjore, teknike ose të shërbimeve të platformës. Versioni i përditësuar publikohet në platformë dhe hyn në fuqi pas publikimit. Ndryshimet nuk ndikojnë në pagesat ose shërbimet e përfunduara përpara hyrjes në fuqi të versionit të ri.

AnkesaPRO mund ta pezullojë ose ndërpresë qasjen e përdoruesit nëse ai:

• I shkel këto kushte
• Ngarkon dokumente të rreme ose të falsifikuara
• E keqpërdor platformën
• Tentojnë të dëmtojë sigurinë ose funksionimin e saj
• I cenon të drejtat e përdoruesve të tjerë
• Ndërmerr veprime që bien ndesh me legjislacionin në fuqi

Këto kushte interpretohen dhe zbatohen në përputhje me legjislacionin në fuqi të Republikës së Kosovës. Çdo mosmarrëveshje që nuk mund të zgjidhet me marrëveshje do të trajtohet nga gjykata kompetente në Republikën e Kosovës.

Për pyetje ose kërkesa lidhur me këto kushte, mund të na kontaktoni:

Adresa: Rruga “Edmond Hoxha”, nr. 26, 30000 Pejë, Republika e Kosovës

Telefoni: +383 49 557 711, +383 46 557 711

Email: support@ankesapro.com

Duke krijuar një llogari ose duke klikuar butonin 'Pranoj dhe vazhdo', deklaroj se:

• Kam lexuar dhe kuptuar këto Kushte dhe Rregulla të Përdorimit
• Pranoj t'i respektoj ato gjatë përdorimit të platformës
• Konfirmoj se informacionet dhe dokumentet që paraqes janë të sakta dhe autentike
• Pranoj përdorimin e teknologjive OCR dhe AI për analizimin e dokumenteve dhe gjenerimin e draft-ankesave ose kërkesave
• Kuptoj se rezultatet e gjeneruara kanë karakter ndihmës dhe nuk garantojnë pranimin ose suksesin e rastit
• Kuptoj se çmimi i shërbimit shfaqet përpara konfirmimit të pagesës
• Kuptoj dhe pranoj se pagesat kryhen online përmes sistemit të pagesave të integruar me ProCredit Bank (PCB)
• Kuptoj se shërbimi fillon të përpunohet pasi pagesa të konfirmohet me sukses
• Pajtohem me kushtet e rimbursimit të përcaktuara në Politikën e Rimbursimit
• Konfirmoj se e kam lexuar dhe kuptuar Politikën e Privatësisë së AnkesaPRO